ESTUDYANTE

Madami kang pwede talagang alalahanin kapag nag aaral ka, Sabi nga ng quote ni Bob Ong “Hindi mo daw malalaman kung gaano kasarap sa pakiramdam ang Suspendido ang klase, walang profesor at half day lang kayo… grabe, naranasan ko yan at ang masasabi ko lang sobrang SARAP sa pakiramdam…  Pakiramdam mo, Mabubuhyan ka ng napakahabang panahon at biglang mawawala ang sakit mo.
INAY: Anak gumising ka na at papasok ka pa, tanghali na (kahit wala pang araw, tanghali na para sa ina.)

ANAK: Nay, may sakit po yata ako, masakit po ang ngipin ko, ang ulo ko at ang tiyan ko….

RADYO (A.M.): Suspensido ang pasok sa lahat ng antas sa buong kamaynilaan ngayong araw na to….

ANAK: Nay Nawala yung sakit ng katawan ko, paa ko at sipon ko…. Magaling na ako!!!!

                                   —————————————–        

Kakaibang ligaya talaga ang mararamdaman ng mga batang maga aaral kapag higit sa isang araw ang pagsususpinde ng klase at ang Holiday, Pero kadalasan ay inililipat na ang lahat ng holiday sa araw na malapit  sa Week end. Kung Martes ang araw birthday ng paboritong kabayo ng pangulo, gagawin niyang lunes o kya kapag nasa huwebes ang holiday, gagawing biyernes, para nga naman tuloy tuloy at hindi na tamarin pa ang mga estudyante..

ESTUDYANTE…. Ngayon kapag nasa Pampublikong  Jeepney ka o kaya Bus, magsabi ka lang na Esyudyante ka, may discount ka sa Driver… Pabor ako don, kasi lagi kong ginagawa yun. Hindi na nawawala yung Salitang “ESTUDYANTE” Kapag sasakay ako ng jeep. “MA, bayad dyan lang sa Recto,…”ESTUDYANTE”… tapos bigla akong sinagot ng Driver….. “I.D. mo?..” Badtrip, naka uniporme na nga ako, nagduda pa sa kin…. Hindi pa siya nagsukili…

Nag abot din ng bayad yung Matandang nakasakay ko sa nasabing Jeepney (siguro ang edad niya, mga 45 na.) at katulad ko sinabi niya rin ang salitang “ESTUDYANTE” pagkatapos iabot ang bayad, at hindi rin siya nakawala sa Mata ng Driver, ganon sa mga iba pang nakasakay… At kahit hindi siya nagsasalita, parang alam ko na yung gusto niyang sabihin… “BAKIT, mga Bata lang ba pwedeng maging estudyante???….” Nakataas ang kilay ng manong…

Napaisip ako, OO nga naman, bakit ba hindi natin matanggap na pwede ka pa ring maging estudyante kahit na lagpas ka na sa limitasyon mo… Sabi ng Kuya ko dati, walang Age limit ang Edukasyon… Marami na akong narinig ng kasi ng ganyan. matatandang mag aaral.

Si Sharon Cuneta nga diba nag iiskul pa..

ISKUL (School) — Magsisimula ang mga natututunan ng mga tao, Sumulat, Bumasa at Mag Plus, mag minus, mag times, mag divide at mag english…

ENGLISH - Maraming Jokes tungkol sa mga hindi marunong mag english… ginagawa na lang na katatawanan yung Hindi marunong o hindi naiintindihan na pinag aralan.  Pero ang alam ko lahat ng Pinoy marunong mag english… “Kuya, Pa LOAD….”  “Ate, napanood mo yung bagong COMMERCIAL kanina?”   “Tay nasaan yung SCREW DRIVER at PLIES?”    Ate, Pa CD-BURN po, at Pa RENT na rin… ONE HOUR lang po…, “Pa DOWNLOAD naman ng kanta sa MP3 ko…  “na SNATCH yung CELLPHONE KO, bwiset… G*go ka Tol, FU** YOU ka!!!!”

Sabi ko na nga ba walang taong hindi marunong mag english eh. depende na lang siguro sa gumagamit. May mga bagay na pwede naman talagang matutunan… Hindi mo lang Hilig o ayaw mo lang talaga.. nasa sayo naman yan eh.

“BADTRIP tol, BREAK na Kami ng GIRLFRIEND KO…”.    O diba lahat ngayon marunong nang mag english.

Marami lang kaming reklamong mga estudyante, tungkol sa English subject na yan, kasi may mga dapat ka pang intindihin na ang ginagamit mong english ay noun, pronoun. predicate o adjective, ewan… Hindi ako magaling dyan sa English pero marunong ako….

“Walanghiya yung CRUSH” ko, may syota na… WAHHHH!!!!

                                                                                       ————————————–

CRUSH..   —     Ang isa sa Talagang Hindi mo malilimutan ang Kapag Estudyante ka ay ang Crush crush na yan.. Kahapon nagpa PRINT ako ng PICTURE kasama ko yung Kaibigan kong babae na lihim at tunay kong Sinisinta sa Pangarap at sa Future pero hindi niya alam… pero hindi tungkol sa aming dalawa ang pag uusapan, kundi tungkol sa mga bata na siguro ay Grade three pa lang yata o Grade two, basta bata… nagpapa print din siya ng picture at pina print niya ay yung picture ng kaklase niyang Lalake na Crush niya..

Batang bata!!! Pwede ka nang magka Crush sa kahit anong edad, Hindi na mapipigilan yan.. Hindi na mawawala yang Damdaming yan sa tao. Sabi ng IMAGINARY FRIEND kong PSYCOLOGIST, HEALTHY daw ang magkaroon ng CRUSH ang isang tao, Kasi daw isa itong Daan para sa tinatawag niyang “MATURITY”.. hindi ko maintindihan pero ang pagkakaintindi ko lang, isa itong paraan para ayusin ang Istilo ng pamumuhay ng tao, bilang indibidwal na nabubuhay sa mundo.

Halimbawa, Si kiko ay hindi nagsisipilyo dati, pero dahil nakilala niya si myka, na Crush niya, mapipilitan na siyang magpatule…. at magsipilyo…. Babaguhin niya ang sarili niyang buhay at magle LEVEL UP ang kanyang pisikal na kaanyuan at makakatulong ito para magkaroon siya ng Confidence sa sarili… Pero Bilang isang nakatatanda, dapat mong gabayan ang nakababata mong kapati o anak mo na yan kapag dumadating sa ganyang mga usapin.. Kahit bata pa yan, pwede din sila maging malungkot dahil pwede silang ma HEARTBROKEN”,  at bilang nakatatanda at napagdaanan na ang mga bagay na yan, dapat lagi kang nandyan bilang gabay.,, AYOS BA?

Ang crush crush na ya n kahit anong pag iingat mo, pwede yang mauwi sa mas malala na sitwasyo.. pwede yang usaping  ”LOVE LOVE” na yan o ang tinatawag na INFATUATION na yan,

INFATUATION —- Kapag Sinabing INFATUATION, ang nabubuo kong larawan sa isipan ko, ay yung nangyayari sayo pagkatapos mong kumain ng kumain ng marami at biglang sumakit yung tiyan mo… “Inpatcho”

Joke lang,  INFATUATION, hindi ko gaanong alam yang salitang yan pero ayon sa mga nagmamaruinong kong mga kaibigan, ang infatuation daw ay katulad din ng Paghanga o crush crush na yan, Yun nga lang mas sira na yung ulo mo dahil, hindi ka na patutulugin at hindi ka na pakakainin ng salitang yan… Parang Virus na Hindi pa natutuklasan ang gamot, Makikita mo na ang sarili mo na Hangang hanga ka sa Isang tao dahil ang galing galing niyang sumayaw, kumanta, ang tali-talino niya pa. Nagbe breakdance pa siya at pumapatay yung mga ngiti niya… Tapos Dahil parang ang MATURE MATURE niyang tignan at maiisip mo na “ANG SARAP SIGURO NITONG MAGING GIRLFRIEND/BOYFRIEN.” at nasasaktan ka na lang kahit walang dahilan, kapag Nag e EMOTE EMOTE ka pa diyan, o kay anag se SELF PITY ka sa sarili mo na akala mo kapag hindi siya ang naging Syota mo o Naging asawa mo sa FUTURE ay mamatay ka nang maaga…

sa madaling salita Gaya ng Impatcho, ang INFATUATION ay hindi mainam sa katawan… Pero hindi maiiwasan kasi masarap ang kumain ng kumain at masarap ang ma INLOVE ng ma INLOVE…

LOVE — Mas malala yan pero hindi ko malilimutan nung ako ay nasa elementarya pa lamang at ito ring HIGHSCHOOL ako, usong uso yung “SLUMBOOK” yung cute na notebook na isusulat mo ang buong pagkakakilala mo sa sarili mo, NAME, NICKNAME, AGE……… MOST EMBARRASING MOMENT, UNFORGERTABLE MOMENT, WHO IS YOUR FIRST KISS?, MOTTO at ang pinakasikat na tanong at imposible nang hindi mawala sa SLUMBOOK na yan ay ang “WHAT IS LOVE?”

WHAT IS LOVE? nakita ko yung SLUMBOOK ng ate ko nung siya ay HIGHSCHOOL at ako ay GRADE TWO pa lang, sumagot din pala ako ng SLUMBOOK na yan at ang sagot ko sa popular na tanong na WHAT IS LOVE ay “LOVE IS A KIND OF DOG”. Seryoso!!  Labrador ang pagkakaintindi ko sa LOVE na yan dati. nakakahiya (hindi ako nag joke ah.)

Ang madalas na sagot na nabasa ko sa SLUMBOOK na nabasa ko sa WHAT IS LOVE ay “LOVE IS A ROSARY THAT FULL OF MYSTERY”. at ”LOVE IS BLIND. Nasa STATISTICS yata yang ng mga Nagse SURVEY.

                                                                 ————————————–

Kapag Estudyante mas marami ka pang malalaman sa mundo pero pwede ka rin naman maging ESTUDYANTE kahit Hindi ka Pumapasok sa ESKWELAHAN, Mas malaking Unibersidad nga lang ang pwede mong pasukan at ay ang “HIRAP NG BUHAY”

HIRAP NG BUHAY UNIVERSITY — Minsan Hindi kasalanan ng Mga tao kung hindi sila nakapasok sa eskwelahan pero nakapasok naman sila sa isang mas malaking Unibersidad sa mundo na kung tawagina g kahirapan, Mas mulat sa totoong nangyayari sa Mundo, Yung iba kinakailanga na magbanat ng buto kahit na napakapayat  at napakabata pa. Kapag tinanong mo ang isa sa mga bata na napaka galing ng magmura at napakabilis nang tumakbo, kung gusto nilang mag aral, ang ilan sa kanila gustong gusto, pero wala ng pagkakataon ang iba naman, ayaw talaga, mas gustong magtrabaho, tutal kapag nakatapos naman daw sa pag aaral ay magtatrabaho din bakit kailangan pang mag aral kung kumikita na., Yung ibang mababait, Isinasakripisyo ang sarili para makapag aral lang ang mas nakakababatang kapatid o ang mas matalinong kapatid, Naniniwala sila na kapag nakatapos na ang pina aaral nila  ay sila naman ang susunod na mag aaral, Pero nagkaka dramahan kapag ang isnaasahan na yun ay nawala lang bigla ang ang gana sa pag aaral o kaya da iba na napapadpad imbis na sa Eskwelahan. sa ibat ibang masamang bisyo.

BISYO —- Pinaka masamang pwedeng mangyari sa isang estudyante na mahilig sa Adventure, (GAGAWA AKO NG IBANG PAGE TUNGKOL SA DRIGS NA YAN)

Pero basta ang alam ko, DAPAT IWASAN ANG PAG GAMIT NG BAWAL NA GAMOT…

                                                                    ———————————————————————-

SARAP NG BUHAY ESTUDYANTE, Hindi maiiwasan na may dumating na araw na hindi laging sayo ang swerte, Pero ang Pinaka matibay na Sandata sa pag aaral ay ang BASIC na payo “MAG ARAL NG MABUTI”, Saka na ang lovelife na yan. “Mangangamatis din ang mukha ng cute mong Crush na magaling mag harlem”

Kung naniniwala kang mahal mo talaga siya, eh patunayan mo sa pamamagitan ng “ikaw ang mag ayos, mag aral kang mabuti, maging pinaka masipag ka sa buong klase at paglaki mo, malalaman mo na ang pinakamahalaga sa Pagiging Estudyante ay ang “PAGPAPAHALAGA SA MGA NATUTUTUNAN at PAGPAPAHALAGA SA MGA TAONG NAGING DAHILAN at narating mo ang iyong matayog na kinahinatnan..

 SALAMAT..